FESTIVAL DE CINE DE OURENSE
O 20 de novembro, os cursos de 5º e 6º de EP fomos ver a película "O Apóstolo" de Fernando Cortizo e que relata como un convicto fuxido do cárcere intenta recuperar un botín agochado nunha aldea. Algún pasou por momentos de medo e tensión pero todos coincidiron en que lles gustou moito a proxección. Tamén o director deu unha charla de como fixo a película e das dificultades que tivo para poder levar a cabo as escenas da mesma. A verdade que foi moi interesante saber o complicado que é facer cine de animación. Dende aquí queremos darlle a noraboa e as grazas a Fernando.
