LETRAS GALEGAS-2015
Un ano máis celebramos no Colexio a festividade das Nosas Letras. Durante días, moitas foron as actividades que se desenvolveron con enorme entusiasmo. Elaboración de cómics e marcalibros, marathón de curtametraxes  galegas de animación, ambientación do colexio...e finalmente o festival que tivo lugar o venres, 15 de maio e ao que asistiron moitos pais e nais que desfrutaron moitísimo coas actuacións que os seus fillos e fillas lles tiñan preparadas. Un día magnífico!!!



A MÚSICA TRADICIONAL NON FALTOU

NIN O BAILE, POR SUPOSTO!!!

 

 

 

AQUI VEMOS AOS DE 1º DA ESO REPRESENTADO A OBRA DE TEATRO "VELAÍ VÉN O SEÑOR DAS MOSCAS"

 

OS DE 3º E 4º INTERPRETARON A CANCIÓN POPULAR "EU CHOREI, CHOREI"

 

TAMPOUCO FALTARON OS RECITADOS POÉTICOS A CARGO DOS NENOS E NENAS DE 2º DA ESO.



 

1º DE EP RECITARON A ROSALÍA E CANTÁRONLLE UNHA FERMOSA CANCIÓN Á PRIMAVERA









 

2º DE EP CO "VERDEGAIO"

 

5º E 6º DE EP CO ROMANCE DA LINGUA GALEGA

 

INFANTIL CO BAILE E CANCIÓN "INDO EU". TODO UN ÉXITO!!!

 

FESTA FINAL CON TODOS OS PAIS, PROFERADO E ALUMNADO!!!

 

FELICES LETRAS GALEGAS!!!!!





COÑECEMOS A NOSA MÚSICA
Estamos a traballar as nosas tradicións cos cursos de 3º e 4º de EP. Hoxe tivemos una sesión de música popular. Os nenos e nenas aprenderon as partes da gaita e logo escoitaron algunhas pezas que foron acompañadas cun baile por parte das nenas que van a folk os venres.

 

 

CONCURSO "RELATO CURTO" CONCELLO DE OURENSE

Véñense  de dar a coñecer os gañadores do Certame de Relato Curto organizado polo Concello de Ourense e estamos de noraboa pois na modalidade de 3º ciclo de EP a nosa compañeira Clara Inés levou o primeiro premio co seu relato titulado "As Burgas". Dende aquí queremos felicitala!!!

 

 

 

Velaquí o tedes:

AS BURGAS

Naquela visita a Ourense foi cando coñecín as Burgas. Estiven alí pola mañá, pero quedei tan embelesado que volvín aquela mesma noite.  Cando cheguei,  a luz branca da lúa facíame sentir un chisco de medo. De súpeto, cegoume un extraño brillo. Cando reaccionei, os meus ollos viron unha muller  fermosa xurdindo das augas, unha Ondina pensei. Miroume fixamente e díxome que me quedara con ela, que se sentía moi soa.  Asusteime e fuxín aterrorizado. Ao día seguinte deixei Ourense e regresei á miña cidade, pero desde entón non puiden deixar de pensar nela. Cada noite vía os seus ollos tristes mirándome e arrepentíame cada vez máis da miña fuxida. Pasaron moitos anos, ata que voltei a Ourense só coa esperanza de vela.  Pasei moitas noites nas Burgas ata que apareceu outra vez envolta no mesmo brillo extraño. E voltoume a pedir que me quedara con ela, que estaba moi soa e moi triste. Esta vez non dubidei, collinlle a man e entrei con ela na Burga para sempre. Entenderes agora que este papel no que escribo estea mollado.

                                                                       Clara Inés González Gómez

                                                                               (6º EP-Guillelme Brown)

Entrega do premio o 15 de maio:

 



ENCONTRO LITERARIO CON LEDICIA COSTAS

O martes, 27 de xaneiro tivemos outro encontro literario. Esta vez foi en Ourense onde coñecemos a Ledicia Costas, autora do libro "Escarlatina, a cociñeira defunta". A verdade que foi, para toda a clase un dos mellores libros que lemos en galego e así llo demostramos á autora que quedou moi contenta co agasallo que lle tiñamos preparado: un xogo feito con ilustracións nosas sobre a historia e polo que había que pasar distintas probas ata chegar á meta.

ENCONTRO LITERARIO

Durante o que levamos de mes, os cursos de 5º e 6º de EP e os de Infantil-5 anos estiveron preparando a visita que hoxe, 21 de xaneiro, se fixo realidade, de Marcos Calveiro, un dos escritores galegos de máis sona no só por ter publicados unha enchenta de libros, senón tamén pola cantidade de premios que obtivo ata hoxe. Dende aquí queremos darlle as grazas pola súa disposición e pola magnífica mañá que nos deu.

 Nunca unha galleta deu tanto xogo. Os de Infantil pasárono en grande!!!

A charla que despois lles deu aos de 5º e 6º foi toda unha lección de historia. Está claro que para escribir un libro hai que documentarse moito. O libro que leron ("O carteiro de Bagdad") é un claro exemplo.